ایران دنیا کی سلامتی کے لیے

ایران دنیا کی سلامتی کے لیے خطرہ نہیں، جواد ظریف

ویب ڈیسک: ایران کے نائب صدر جواد ظریف نے کہا ہے کہ ایران دنیا کی سلامتی کے لیے خطرہ نہیں، ایران کو جوہری ہتھیار بنانے ہوتے تو بہت پہلے بنا چکا ہوتا، اس میں کوئی دلچسپی نہیں۔
ڈیووس میں عالمی اقتصادی فورم میں گفتگو کرتے ہوئے ایرانی نائب صدر برائے سٹریٹجک امور کا کہنا ہے کہ ہمارا جوہری پروگرام جوہری ہتھیار بنانے کے لیے نہیں، کوئی بھی ایران کو اپنی خواہشات پوری کرنے کے لیے آسان جگہ نہ سمجھے۔
ان کا کہنا تھا کہ ہم دھمکیوں پر نہیں مواقع کی بنیاد پر آگے بڑھ سکتے ہیں، قطعی طور پر ایران دنیا کی سلامتی کے لیے خطرہ نہیں، لیکن کچھ لوگ ایران کیخلاف پراپیگنڈا کر رہے ہیں، غزہ میں نسل کشی جیسے منصوبوں کے لیے ایرانو فوبیا، اسلاموفوبیا جیسے ہتھیاروں کو استعمال کیا جاتا ہے۔
ایرانی نائب صدر نے مزید کہا کہ کوئی بھی حماس، حزب اللہ، فلسطینی مزاحمت یا ایرانی بازو کاٹنے کے بیانیے پر خوش نہ ہو، مزاحمت تب تک رہے گی جب تک قبضہ و جبر رہے گا۔

مزید پڑھیں:  خیبرپختونخوا: سکیورٹی فورسز کے 2 آپریشنز میں‌ 7 دہشتگرد ہلاک