توہین عدالت کا شوکاز نوٹس ایڈیشنل

توہین عدالت کا شوکاز نوٹس ایڈیشنل رجسٹرار جوڈیشل نے چیلنج کر دیا

ویب ڈیسک: سپریم کورٹ کے توہین عدالت کا شوکاز نوٹس ایڈیشنل رجسٹرار جوڈیشل نے چیلنج کر دیا، ایڈیشنل رجسٹرار جوڈیشل نذر عباس نے توہین عدالت کی کارروائی پر حکم امتناع کی درخواست دیدی۔
تفصیلات کے مطابق سپریم کورٹ کے توہین عدالت کا شوکاز نوٹس ایڈیشنل رجسٹرار جوڈیشل نے چیلنج کر دیا، اس حوالے سے ایڈیشنل رجسٹرار جوڈیشل نذر عباس درخواست دائر کر دی، سپریم کورٹ نے انٹرا کورٹ اپیل پر 6 رکنی بنچ تشکیل دے دیا۔ اس درخواست کی سماعت کیلئے جسٹس جمال خان مندو خیل کی سربراہی میں بنچ تشکیل دیا گیا ہے، جس میں جسٹس محمد علی مظہر، جسٹس اطہر من اللہ، جسٹس حسن اظہر رضوی، جسٹس شاہد وحید اور جسٹس مسرت ہلالی بھی شامل ہیں۔
سپریم کورٹ نے نذر عباس کی انٹرا کورٹ اپیل 27 جنوری کو سماعت کیلئے مقرر کر دی، 6 رکنی لارجر بنچ دن ایک بجے انٹرا کورٹ اپیل پر سماعت کرے گا۔ یاد رہے کہ چند روز قبل سپریم کورٹ نے ایڈیشنل رجسٹرار جوڈیشل نذر عباس کو سنگین غلطی کا مرتکب قرار دیتے ہوئے عہدے سے ہٹا دیا تھا.

مزید پڑھیں:  ہری پور، حطار روڈ پر ٹریفک حادثہ، تین بچوں سمیت 5 افراد زخمی