ویب ڈیسک: حماس کمانڈر حسین فیاض کو نشانہ بنانے کا اسرائیلی دعویٰ جھوٹا ثابت ہو گیا۔
اسرائیلی میڈیا کی جانب سے 24 مئی 2024 کو غزہ میں حماس کے عسکری ونگ القسام بریگیڈ کی بیت حانون بٹالین کے سربراہ حسین فیاض کو نشانہ بنانے کا دعویٰ کیا جا رہا تھا۔ اس حوالے سے صیہونی افواج کی جانب سے بتایا گیا کہ اسرائیلی فوج کے دستوں نے ایک مشترکہ آپریشن کے دوران حماس کمانڈر حسین فیاض کو ایک سرنگ میں نشانہ بنایا گیا۔
اس کے برعکس گزشتہ روز غزہ سے سامنے آنے والی ویڈیوز میں حسین فیاض کو ایک جنازے کے موقع پر لوگوں سے خطاب کرتے ہوئے دیکھا جا سکتا ہے۔ ویڈیو سامنے آنے کے بعد اسرائیلی فوج نے بھی حسین فیاض کو نشانہ بنانے میں ناکامی کا اعتراف کر لیا۔
اسرائیلی فوج کی جانب سے کہا گیا ہے کہ مئی 2024 میں دستیاب معلومات کی بنیاد پر حسین فیاض کو نشانہ بنانے کا اعلان کیا گیا تھا، تاہم مزید تحقیقات پر یہ بات سامنے آئی کہ اس وقت دستیاب معلومات درست نہیں تھیں۔
