ویب ڈیسک: پاکستان تحریک انصاف سے تعلق رکھنے والے رکن قومی اسمبلی جنید اکبر بلا مقابلہ چیئرمین پبلک اکاؤنٹس کمیٹی منتخب ہو گئے ۔
مسلم لیگ ن کے ڈاکٹر طارق فضل چوہدری، اپوزیشن لیڈر عمر ایوب خان، سینیٹر شبلی فراز اور دیگر کی جانب سے ایم این اے جنید اکبر خان کا نام تجویز کیا گیا ۔
اجلاس کے دوران ممبر قومی اسمبلی ریاض فتیانہ، ملک عامر ڈوگر،وجہیہ قمر، سردار محمد یوسف زمان اور دیگر ممبران نے جنید اکبر خان کے نام کی تائید کی۔
ممبران کمیٹی نے جنید اکبر خان کو مبارکباد پیش کی، جنید اکبر خان نے متفقہ طور پر چیئرمین پبلک اکاؤنٹس کمیٹی منتخب کرنے پر ممبران کا شکریہ ادا کیا۔
انہوں نے کہا کہ تمام ممبران کو ساتھ لے کر چلوں گا، کمیٹی ممبران نے جنید اکبر خان کو کمیٹی کو چلانے پر اپنے ہر ممکن تعاون کا یقین دلایا۔
