ویب ڈیسک: پیپلز پارٹی نے پاور شیئرنگ کے معاملے پر مذاکرات کے لیے قائم تمام کمیٹیاں تحلیل کرتے ہوئے فیصلہ کیا کہ اس سلسلے میں صدر آصف زرداری وزیراعظم سے مذاکرات کریں گے ۔
ذرائع کے مطابق پیپلز پارٹی سینٹرل ایگزیکٹو کمیٹی کا اجلاس ختم ہوگیا جس میں پیپلز پارٹی کی جانب سے ن لیگ کے ساتھ مذاکرات کے لیے قائم تمام کمیٹیاں تحلیل کردی گئیں ۔
ذرائع نے بتایا کہ ن لیگ سے پاور شئیرنگ فارمولے پر مذاکرات کا اختیار صدر مملکت کو دے دیاگیا ، اب صدر مملکت وزیراعظم سے پاور شئیرنگ فارمولے پر مذاکرات کریں گے۔
ذرائع کے مطابق وفاق کی جانب سے زرعی ٹیکس لگانے پر اجلاس کے شرکا نے تحفظات کا اظہار کیا، سی ای سی نے زراعت پر عائد ٹیکس 45 فیصد سے کم کر کے بیس فیصد کرنے کی تجویز دے دی۔
پی پی ارکان نے سی ای سی اجلاس میں پیکا ایکٹ ترمیمی بل پر تفصیلی غور کیا اور کہا کہ حکومت کی پیکا ایکٹ میں ترامیم پر پارٹی کو واضح موقف اختیار کرنا چاہیے۔
