ویب ڈیسک: توشہ خانہ ٹو کیس میں عمران اور بشریٰ کی بریت درخواستوں کا تحریری حکمنامہ جاری کر دیا گیا، ایف آئی اے کو پری ایڈمیشن نوٹس جاری کر دیا گیا۔
تفصیلات کے مطابق توشہ خانہ ٹو کیس میں بانی پی ٹی آئی عمران خان اور ان کی اہلیہ کی بریت کی درخواستوں پر سماعت اسلام آباد ہائیکورٹ کے جسٹس انعام امین منہاس نے کی، اس دوران انہوں نے توشہ خانہ ٹو کیس میں عمران اور بشریٰ کی بریت درخواستوں کا تحریری حکمنامہ جاری کر دیا .
2 صفحات پر مشتمل تحریری حکم نامہ جاری کرنے کے ساتھ ساتھ اسلام آباد ہائی کورٹ نے ایف آئی اے کو پری ایڈمیشن نوٹس بھی جاری کر دیا۔
اس کے علاوہ ٹرائل روکنے کی حکم امتناع کی درخواست پر بھی ایف آئی اے کو نوٹس جاری کیا گیا ہے۔ اسلام آباد ہائی کورٹ نے کہا ہے کہ درخواست گزار کا مؤقف ہے کہ ان کے خلاف کیس نہیں بنتا، بری کیا جائے، بانی پی ٹی آئی کے وکیل کا کہنا ہے کہ 5 وعدہ معاف گواہوں پر پراسیکیوشن کا کیس نہیں بنتا۔
اسلام آباد ہائی کورٹ نے تحریری حکم نامے میں یہ بھی کہا کہ وکیل کے مطابق ٹرائل کورٹ تیزی میں ٹرائل آگے بڑھا رہی ہے جس سے درخواست گزار کے بنیادی حقوق متاثر ہو سکتے ہیں۔
