26ویں آئینی ترمیم چیلنج

26ویں آئینی ترمیم چیلنج،پی ٹی آئی کاتمام اقدامات کالعدم قراردینےکی اپیل

ویب ڈیسک: پاکستان تحریک انصاف نے 26ویں آئینی ترمیم چیلنج کر دی، سپریم کورٹ میں درخواست وکیل سمیر کھوسہ کے ذریعےدرخواست دائر کر دی گئی، 26 ویں آئینی ترمیم کے تحت ہونے والے تمام اقدامات کالعدم قرار دیئے جائیں.
تفصیلات کے مطابق پاکستان تحریک انصاف نے 26ویں آئینی ترمیم چیلنج کر دی، اس حوالے سے پی ٹی آئی نے سپریم کورٹ سے رجوع کر لیا، اور وکیل سمیر کھوسہ کے ذریعے درخواست دائر کر دی ، درخواست میں‌آئینی ترامیم کو چیلنج کرتے ہوئے موقف اپنایا گیا ہے کہ پارلیمنٹ آئین کے بنیادی خدوخال کو تبدیل نہیں کر سکتی.
پی ٹی آئی درخواست میں‌مزید کہا گیا ہے کہ عدلیہ کی آزادی آئین کا بنیادی جزو ہے، عدلیہ کی آزادی کے خلاف کوئی ترمیم نہیں کی جا سکتی، آئینی ترمیم اختیارات کی تقسیم کے آئینی اصول کے خلاف ہے۔وکیل سمیر کھوسہ کے ذرائعے دائر ہونے والی درخواست میں استدعا کی گئی ہے کہ 26 ویں آئینی ترمیم کے تحت ہونے والے تمام اقدامات کالعدم قرار دیئے جائیں، اس کے ساتھ ہی پی ٹی آئی نے استدعا کی گئی ہے کہ ان ترمیم پر فیصلے تک قائم جوڈیشل کمیشن کو ججز تعیناتی سے روکا جائے۔
یاد رہے کہ اس سے قبل جب 26 ویں آئینی ترامیم کی گئیں تب سے پاکستان تحریک انصاف کی جانب سے اسے چیلنج کرنے کا کہا جا رہا تھا، اب ایک قدم آگے بڑھتے ہوئے درخواست دائر کر دی گئی.

مزید پڑھیں:  امتحانات اپریل تک مؤخر کرنے سے تعلیمی سیشن متاثر ہوگا، ماہرین تعلیم