جسٹس منصور نے انٹراکورٹ اپیل کے

توہین عدالت، جسٹس منصور نے انٹراکورٹ اپیل کے بینچ پر اعتراض اٹھا دیا

ویب ڈیسک: سپریم کورٹ میں ایڈیشنل رجسڑار کے خلاف توہین عدالت کیس کے حوالے سے جسٹس منصور نے انٹراکورٹ اپیل کے بینچ پر اعتراض اٹھا دیا۔ تفصیلات کے مطابق توہین عدالت کیس میں جسٹس منصور نے انٹراکورٹ اپیل کے بینچ پر اعتراض اٹھاتے ہوئے ججز کمیٹی کو خط لکھ دیا، جس میں جسٹس جمال مندوخیل اور جسٹس محمد علی مظہر کی بینچ میں شمولیت پر اعتراض کیا ہے۔
ذرائع کے مطابق جسٹس منصور علی شاہ نے خط میں لکھا ہے کہ جسٹس جمال مندوخیل اور جسٹس محمد علی مظہرآئینی کمیٹی کا حصہ ہیں، اور آئینی کمیٹی نے ہی ہم سے منتقل ہونے والا کیس اپنے پاس لگایا۔ اس کے علاوہ انہوں نے مزید کہا ہے کہ انٹرا کورٹ اپیل کیلئے بطور کمیٹی رکن 5 رکنی بینچ کی تجویز دی تھی، اس پر چیف جسٹس نے کہا کہ 4 رکنی بینچ بھی کافی ہو گا، لیکن جب بینچ بنا تو اس میں 6 ججز شامل تھے۔

مزید پڑھیں:  خیبر: باڑہ میں مدرسہ کی معلمہ کنویں میں گرکر جاں بحق