جنید اکبر تحریک انصاف خیبرپختونخوا کے

علی امین آوٹ، جنید اکبر تحریک انصاف خیبرپختونخوا کے صدر مقرر

ویب ڈیسک: پی ٹی آئی صوبائی سطح پر اہم تبدیلی، علی امین آوٹ، جنید اکبر تحریک انصاف خیبرپختونخوا کے صدر مقرر کر دیئے گئے. سلمان اکرم راجہ کو اعلامیہ جاری کرنے کی ہدایت کر دی گئی.
تفصیلات کے مطابق بانی پی ٹی آئی عمران خان نے علی امین گنڈاپور کو پارٹی کی صوبائی صدارت سے ہٹادیا جبکہ ان کی جگہ اب جنید اکبر کو پارٹی کا نیا صوبائی صدر مقرر کر دیا گیا ہے۔ اس حوالے سے بانی پی ٹی آئی نے پارٹی کے سیکرٹری جنرل سلمان اکرم راجہ کو نوٹیفکیشن جاری کرنے کی بھی ہدایت کردی۔
ذرائع کے مطابق سابق وزیراعظم عمران خان کی جانب سے سلمان اکرم راجہ کو پنجاب میں پارٹی کی تشکیل نو کے لیے مشاورت کی بھی ہدایت کر دی ہے، اس پر سلمان اکرم راجہ کا کہنا ہے کہ علی امین خود بھی چاہتے تھے کہ وہ پارٹی صدارت اپنے پاس نہ رکھیں، بانی پی ٹی آئی نے علی امین کو کہا ہے کہ صوبے میں دہشتگردی اور گورننس کے معاملات پر فوکس کریں۔
تحریک انصاف نے پبلک اکاؤنٹس کمیٹی کے چیئرمین کے لیے شیر افضل کو نامزد کیا تھا لیکن گزشتہ دنوں ان کی نامزدگی منسوخ کر کے جنید اکبر کو اس عہدے کے لیے نامزد کر دیا گیا ہے جو بلا مقابلہ پبلک اکاؤنٹس کمیٹی کے چیئرمین منتخب ہو گئے ہیں۔یاد رہے پی ٹی آئی صوبائی سطح پر اہم تبدیلی، علی امین آوٹ، جنید اکبر تحریک انصاف خیبرپختونخوا کے صدر مقرر کر دیئے گئے. سلمان اکرم راجہ کو اعلامیہ جاری کرنے کی ہدایت کر دی گئی.

مزید پڑھیں:  ٹرائینگولر سیریز کیلئے پاکستان آئی پروٹیز الیون کا بھرپور پریکٹس سیشن