ویب ڈیسک: مسلم لیگ نون کے رہنما کیپٹن (ر) صفدر نے ایک تقریب سے خطاب کرتے ہوئے کہا کہ خیبرپختونخوا باقی صوبوں کے مقابلے میں بہت پیچھے رہ گیا، جبکہ ہماری کوشش کے کہ خیبرپختونخوا کو ساتھ لے کر چلا جائے، مریم نواز کو اس جانب بھی توجہ دینی چاہئے۔
انہوں نے کہا کہ مسلم لیگ نون کے قائد عنقریب خیبرپختونخوا سے سیاسی مہم کا آغاز کرنے والے ہیں، سوات اور دیگر علاقوں کا دورہ بھی کرینگے۔ ان کا کا کہنا تھا کہ ملک ترقی کر رہا ہے، اب اگر حکومت کو پانچ سال ملے ہیں تو کارکردگی دیکھ کر اگلے پانچ سال ضرور ملیں گے۔
انہوں نے کہا کہ مریم نواز کو کہتا ہوں کہ وہ ایک ہفتہ اس صوبے کو بھی دیں، اگر وہ نہیں آتیں تو کم از کم خیبرپختونخوا کے وزیر اعلیٰ کو تھوڑی تربیت ہی دے دیں، کیونکہ آج خیبرپختونخوا کا انتہائی برا حال ہوگیا ہے۔
رہنما مسلم لیگ نون کیپٹن ریٹائرڈ صفدر نے کہا کہ خیبرپختونخوا باقی صوبوں کے مقابلے میں بہت پیچھے رہ گیا ہے، ہم خیبرپختونخوا کو آگے لے جانا چاہتے ہیں، ادھرپنجاب اور وفاق ترقی کر رہا ہے، جبکہ خیبرپختونخوا حکومت کا ایک ہی کام ہے، گاڑیاں بھرو اور ڈی چوک چلو۔
