ویب ڈیسک: لاس اینجلس کے بعد اب جنوبی کیلیفورنیا میں 5مزید مقامات پر آگ بھڑک اٹھی، اس کے ساتھ ہی مزید 50 ہزار افراد کو نقل مکانی کی ہدایات کر دی گئی ہے۔ لوگوں میں شدید خوف و ہراس پھیل گیا، کیونکہ ہوائیں چلنے سے اس میں اضافے کا امکان ہے۔
ذرائع کے مطابق جمعرات کو لاس اینجلس، سان ڈیاگو، وینچورا اور ریوَر سائیڈ کاؤنٹیز میں 5 مقامات پر لگنے والی آگ کو لاگونا، سیپولویدا، گبل، گلمن اور بارڈر 2 فائر کے نام دیے گئے ہیں۔
امریکی ریاست میں لگنے والی اس نے تباہی پھیلا دی، پیلیسیڈس اور ایٹن میں لگنے والی آگ نے مجموعی طور پر 40 ہزار ایکڑ سے زائد رقبے کو خاکستر کر دیا اور اس دوران کم از کم 28 افراد ہلاک ہوچکے ہیں۔
دوسری جانب امریکی صدر ڈونلڈ ٹرمپ نے آگ اور طوفان سے متاثرہ علاقوں کا دورہ کیا، عہدہ سنبھالنے کے بعد سب سے پہلے ٹرمپ اہلیہ کے ہمراہ کیلی فورنیا اور شمالی کیرولائنا گئے، اور لاس اینجلس میں آگ سے متاثر مہنگے ترین علاقے پیلی سیڈز کا دورہ بھی کیا۔
اپنے دورہ کے دوران انہوں نے بے گھر افراد سے ملاقات کی اور آگ سے پھیلی تباہی کوناقابل یقین قرار دیا۔ انہوں نے کیلی فورنیا کے مئیر کو آگ پر قابو نہ پانے پر تنقید کا نشانہ بنایا اور فائر فائٹرز کا حوصلہ بھی بڑھایا۔ یاد رہے لاس اینجلس کے بعد اب جنوبی کیلیفورنیا میں 5مزید مقامات پر آگ بھڑک اٹھی، اس کے ساتھ ہی مزید 50 ہزار افراد کو نقل مکانی کی ہدایات کر دی گئی ہے۔
