ویب ڈیسک: خیبر پختونخوا میں فورسز کی مختلف کارروائیوں کے دوران 3دہشت گرد ہلاک جبکہ 8زخمی ہو گئے ۔
پاک فوج کے شعبہ تعلقات عامہ کے مطابق خیبرپختونخوا میں 24اور 25جنوری کو سکیورٹی فورسز نے تین الگ الگ کارروائیاں کیں جس کے نتیجے میں 30دہشت گرد ہلاک جبکہ 8زخمی ہو گئے ہیں ۔
آئی ایس پی آر کے مطابق پہلا آپریشن دہشت گردوں کی موجودگی کی اطلاع پر ضلع لکی مروت میں کیا گیا جس میں 18دہشت گرد ہلک جبکہ 6 خوارج زخمی ہوئے۔
پاک فوج کے شعبہ تعلقات عامہ کے مطابق ضلع کرک میں ایک اور انٹیلی جنس بیسڈ آپریشن میں 8دہشت گردوں کو ہلاک کر دیا گیا۔
ترجمان پاک فوج کے مطابق ضلع خیبر کے علاقے باغ میں ہونے والے تیسرے معرکے میں خارجی رہنما عزیز الرحمان عرف قاری اسماعیل اور خارجی مخلص سمیت 4 خوارج واصل جہنم جبکہ دو زخمی ہوئے۔
پاک فوج کے شعبہ تعلقات عامہ کے مطابق مارے گئے خوارج کے قبضے سے اسلحہ اور گولہ بارود بھی برآمد ہوا، یہ خوارج سکیورٹی فورسز کے خلاف دہشت گردی کی کارروائیوں کے علاوہ معصوم شہریوں کے قتل میں بھی سرگرم رہے۔
آئی ایس پی آر کے مطابق علاقے میں پائے جانے والے کسی اور خارجی کی تلاش کے لیے سینیٹائزیشن آپریشن جاری ہے، پاکستان کی سکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔
