مزید بڑی تبدیلیوں کا امکان

تحریک انصاف خیبر پختونخوا میں مزید بڑی تبدیلیوں کا امکان

ویب ڈیسک:جنید اکبر کے صوبائی صدر بننے کے بعد پاکستان تحریک انصاف خیبرپختونخوا میں مزید بڑی تبدیلیوں کا امکان ظاہر کیا جارہا ہے۔
پی ٹی آئی ذرائع کے مطابق صوبائی صدارت کے بعد صوبائی جنرل سیکرٹری کی بھی تبدیلی کا امکان ہے جبکہ تنظیمی سطح پر تبدیلیوں اکھاڑ پچھاڑ کی توقع کی جانے لگی ۔
پارٹی کے صوبائی جنرل سیکرٹری کی بھی تبدیلی کا امکان ہے، عاطف خان اور ارباب شیر علی کوبھی اہم ذمہ داریاں مل سکتی ہیں۔
خیال رہے کہ گزشتہ روز بانی پی ٹی آئی عمران خان نے وزیر اعلی کے پی علی امین گنڈا پور سے کے پی کی صدارت لیکر جنید اکبر کو پی ٹی آئی کے پی کا نیا صدر مقرر کیا تھا۔
اس حوالے سے ذرائع کا بتانا تھا کہ اس فیصلے کے حوالے سے علی امین گنڈا پور کو اعتماد میں نہیں لیا گیا اور عمران خان نے علی امین گنڈا پور کو اپنی توجہ صوبے میں گورننس کی بہتری اور دہشتگردی کے خاتمے پر مرکوز رکھنے کی ہدایت کی ہے۔

مزید پڑھیں:  صدر آصف زرداری کی ترک ہم منصب سے ملاقات، اہم امور پر گفتگو