کرم میں امن کیلئے معاہدے

کرم میں امن کیلئے معاہدے کے نکات پر عمل کرنا ہوگا ، چیف سیکرٹری پختونخوا

ویب ڈیسک: چیف سیکرٹری خیبر پختونخوا ندیم اسلم چوہدری کا کہنا ہے کہ کرم میں امن صرف دستخط سے نہیں آئے گا بلکہ معاہدے کے نکات پر عمل کرنا ہوگا
تفصیلات کے مطابق کرم میں قیامِ امن کے لیے کوہاٹ میں جرگہ ہوا جس میں لوئر کرم کمیٹی اور گرینڈ جرگے کے اراکین نے شرکت کی۔
جرگے سے خطاب کرتے ہوئے چیف سیکرٹری ندیم اسلم چوہدری نے کہا کہ امن صرف دستخط کرنے سے نہیں بلکہ معاہدے پر عمل درآمد کرنے سے آئے گا۔
انہوں نے کہا کہ 14 نکاتی معاہدے کی تمام شقوں پر آپ کے تعاون سے عمل ہوگا، معاہدے پر آگے بڑھنے کی بات کریں، پیچھے نہ دیکھیں، نقصانات کی تفصیلات بھیج دیں، ازالہ کیا جائے گا۔
دوسری جانب سرکاری ذرائع کے مطابق کرم میں بنکرز گرانے کا عمل جاری رہے گا، فریقین اسلحہ جمع کرائیں گے۔
کرم میں قیامِ امن کے لیے امن کمیٹی اور عوام حکومت سے تعاون کریں گے، قافلے کی حفاظت کی ذمہ داری امن کمیٹی اور لوگوں کی بھی ہوگی۔

مزید پڑھیں:  یوکرین میں چرنوبل نیوکلیئر پاور پلانٹ پر ڈرون حملہ