کشمیریوں کا یوم سیاہ

بھارت کے یوم جمہوریہ پر کشمیریوں کا یوم سیاہ ،دنیابھر میں مظاہرے

ویب ڈیسک: بھارت کے یوم جمہوریہ پر آج کشمیری یوم سیاہ منا رہے ہیں اس سلسلے میں پاکستان سمیت دنیا بھر میں احتجاجی مظاہرے کئے جارہے ہیں۔
ہر سال کی طرح امسال بھی مقبوضہ کشمیر میں آج مکمل ہڑتال ہے، قابض فوج نے سڑکوں پر اضافی چیک پوسٹیں قائم کر رکھی ہیں، بڑی تعداد میں فورسز کے اہلکار تعینات کئے گئے ہیں۔
آزاد کشمیر بھر میں یوم سیاہ کی مناسبت سے احتجاج کا سلسلہ شروع ہے، دارالحکومت کے برہان وانی چوک میں بڑی تعداد میں شہری احتجاج میں شریک ہیں، احتجاج کے دوران بچوں نے سیاہ جھنڈے لہرا کر بھارت مخالف نعرے بازی کی۔
شرکا کا کہنا ہے کہ بھارت غاصب اور جارح ملک ہے، جارح اور دہشت گرد ملک کو یوم جمہوریہ منانا زیب نہیں دیتا، بھارت سے آزادی اور تکمیل پاکستان کیلئے جدوجہد جاری رہے گی۔
یوم سیاہ پر وزیراعظم آزاد کشمیر انوار الحق کا کہنا ہے کہ بھارت کا یوم جمہوریہ ہمارے لئے یوم سیاہ ہے، کشمیر کسی صورت بھارت کا حصہ ہے نہ کبھی ہوسکتا ہے، کشمیری اپنے حق خودارادیت کیلئے جدوجہد جاری رکھیں گے۔

مزید پڑھیں:  مطالبات کی منظوری، بلدیاتی نمائندگان کی حکومت کو 10فروری تک ڈیڈلائن