گیس ٹیرف میں اضافہ مسترد

گھریلو صارفین کیلئے گیس ٹیرف میں اضافہ مسترد

ویب ڈیسک: اقتصادی رابطہ کمیٹی ( ای سی سی ) کی جانب سے گھریلو صارفین کے لیے گیس ٹیرف میں اضافہ مسترد کر دیاگیا۔
وفاقی وزیر خزانہ سینیٹر محمد اورنگزیب کی زیر صدارت اقتصادی رابطہ کمیٹی کا اجلاس منعقد ہوا، جس میں وزارت پیٹرولیم کی جانب سے صنعتی شعبے اور غیر محفوظ گھریلو زمرہ جات کے لیے گیس ٹیرف میں اضافے کی تجویز پر غور کیا گیا۔
اجلاس میں وفاقی وزیر پیٹرولیم مصدق مسعود ملک، وزیر توانائی سردار اویس احمد خان لغاری، وزیر مملکت برائے خزانہ و محصولات علی پرویز ملک، چیئرمین اوگرا، چیئرمین ایس ای سی پی، وفاقی سیکرٹریز اور متعلقہ ڈویژنز کے سینئر افسران نے شرکت کی۔
اقتصادی رابطہ کمیٹی ( ای سی سی ) نے تفصیلی غور و خوض کے بعد مالی سال 2024-25 کے دوران گیس کے شعبے کے لیے مطلوبہ آمدنی کو یقینی بنانے کے لیے کیپٹو پاور پلانٹس کے لیے گیس ٹیرف کو 3000 روپے فی ایم ایم بی ٹی یو سے بڑھا کر 3500 روپے فی ایم ایم بی ٹی یو کرنے کی منظوری دے دی جبکہ گھریلو صارفین کے لیے گیس ٹیرف میں اضافہ مسترد کر دیا گیا۔

مزید پڑھیں:  وزیراعظم شہباز شریف اور حمزہ شہباز رمضان شوگر مل کیس میں بری