ویب ڈیسک: مسلم لیگ ق کے مرکزی سیکرٹری اطلاعات مصطفی ملک کو وزارت مذہبی اموروبین المذاہب ہم آہنگی کا فوکل پرسن کرلیاگیا ۔
ذرائع کے مطابق وفاقی حکومت کی جانب سے ق لیگ کے مرکزی سیکرٹری اطلاعات کو مصطفی ملک کو وزارت اوورسیز پاکستانیز، ہیومن ریسورس ڈیولپمنٹ کا فوکل پرسن بھی مقرر کر دیا گیا ہے۔
مصطفی ملک وفاقی وزیر چوہدری سالک کی وزارتوں میں بطور رابطہ کار اور مشیر خدمات انجام دیں گے،دونوں وزارتوں کی جانب سے باقاعدہ نوٹیفکیشن بھی جاری کر دیے گئے ہیں۔
وفاقی وزیر برائے مذہبی امور چوہدری سالک کا کہنا ہے کہ مصطفی ملک کی تقرری سے پارٹی ورکروں کے مسائل حل کرنے میں مدد ملی، مصطفی ملک کی تقرری وزارتی امور میں بھی مدد دے گی۔
چوہدری سالک حسین کا کہنا تھا وزارتیں پارٹی اور قوم کی امانت ہیں، ملکی ترقی اور عوامی خوشحالی کیلئے جدوجہد جاری رکھیں گے۔
