عدت کیس بریت کیخلاف اپیل

عدت کیس:عمران خان اوربشریٰ بی بی کی بریت کیخلاف اپیل سماعت کیلئےمقرر

ویب ڈیسک: اسلام آباد ہائی کورٹ نے عدت نکاح کیس میں بانی پی ٹی آئی عمران خان اور بشریٰ بی بی کی بریت کے خلاف خاور مانیکا کی اپیل سماعت کے لئے مقرر کردی۔
اسلام آباد ہائی کورٹمیں تعینات نئے جج جسٹس اعظم خان کل درخواست کی سماعت کریں گے ،خاور مانیکا نے 13جولائی 2024 کا ایڈیشنل سیشن جج کا بریت کا فیصلہ چیلنج کر رکھا ہے۔
درخواست میں اپیل میں ایڈیشنل سیشن جج کا فیصلہ کالعدم قرار دینے کی استدعا کی تھی۔
ایڈیشنل سیشن جج نے 13 جولائی 2024 کو بانی پی ٹی آئی اور بشری بی بی کو عدت نکاح کیس میں بری کردیا تھا۔
خاور مانیکا نے ایڈیشنل سیشن جج کے فیصلے کے خلاف اپیل دائر کر رکھی ہے۔
ڈسٹرکٹ اینڈ سیشن کورٹس اسلام آباد نے عدت کے دوران نکاح کیس میں عمران خان اور بشری بی بی کی سزا کے خلاف اپیلیں منظور کرکے انہیں باعزت طور پر بری کردیا تھا جب کہ اس سے قبل سینئر سول جج قدرت اللہ نے اڈیالہ جیل میں عدت نکاح کیس میں عمران خان اور بشری بی بی کو 7، 7 سال قید کی سزا سنائی تھی۔
دوران سماعت بانی پی ٹی آئی عمران خان کی طرف سے وکیل سلمان اکرم راجا اور بشری بی بی کی جانب سے وکیل عثمان ریاض گل نے نے استغاثہ کے چاروں گواہوں پر گواہوں سے جرح کی تھی، گواہوں میں خاور مانیکا، عون چوپدری، نکاح خواں مفتی سعید اور ملازم لطیف عدالت میں پیش ہوئے تھے۔

مزید پڑھیں:  القسام بریگیڈز کے نائب سربراہ مروان عیسی کی شہادت کے ایک سال بعد تدفین