ویب ڈیسک: رحمتوں اور برکتوں سے بھرپور رات شب معراج مذہبی عقیدت و احترام کیساتھ آج منائی جائے گی، ملک بھر میں مساجد کو انتہائی خوبصورتی سے سجایا جائیگا۔ اس رات مساجد میں خصوصی محافل اور عبادات کا اہتمام کیا جائے گا، ان تقاریب میں علمائے کرام سمیت دیگر مقررین واقعہ معراج پرنور اور اس خصوصی شب کی فضلیت پر روشنی ڈالیں گے۔
شب معراج کی مناسبت سے منعقدہ محفل معراج النبیؐ میں نعت خواہاں حضور اکرم صلی اللہ علیہ وآلہ وسلم کی شان مبارک میں ہدیہ و گلہائے عقیدت پیش کریں گے۔ یاد رہے 27 رجب المرجب کی شب نبی کریم و رحت اللعالمین حضرت محمد مصطفیٰ صلی اللہ علیہ وآلہ وسلم کو معراج کا شرف عطا کیا گیا۔
اس مقدس سفر کیلئے حضور اکرم صلی اللہ علیہ وآلہ وسلم براق پر سوار ہوئے، اور پہلے مکہ سے مسجد اقصیٰ گئے اور وہاں تمام انبیائے کرام کی نماز کی امامت فرمائی، پھر آپ کو آسمانوں میں اللہ تعالیٰ سے ملاقات کرانے کیلئے لے جایا گیا، وہاں رسول اکرم صلی اللہ علیہ و آلہ وسلم کو جنت اور دوزخ بھی دکھائی گئی۔
یہ وہ سفر پرنور تھا جس میں نماز بھی فرض ہوئی، یہ وہ پرنور شب ہے کہ اس شب امت مسلمہ کو معراج النبی صلی اللہ علیہ و آلہ وسلم کا سب سے بڑا تحفہ نماز ملا۔ یاد رہے کہ رحمتوں اور برکتوں سے بھرپور رات شب معراج مذہبی عقیدت و احترام کیساتھ آج منائی جائے گی.
