ویب ڈیسک: جنگ بندی معاہدے اور قیدیوں کے تبادلے کا فارمولا طے پا جانے کے بعد غزہ سے فلسطینییوں کے انخلا کا منصوبہ اردن نے مسترد کر دیا۔ اردن کے وزیر خارجہ ایمن صفدی کا اس حوالے سے کہنا ہے کہ اردن کا فلسطینیوں کی کسی بھی قسم کی بے دخلی کو مسترد کرنے کا مؤقف ’ٹھوس اور غیر متزلزل‘ ہے۔ انہوں نے کہا کہ ہماری ترجیح اس بات کو یقینی بنانا ہے کہ فلسطینی اپنی زمین پر موجود رہیں۔
یاد رہے کہ امریکی صدر ڈونلڈ ٹرمپ نے تجویز دیتے ہوئے کہا تھا کہ مصر اور اردن کو مزید فلسطینیوں کو اپنے ملک میں آباد کرنا چاہیے۔ انہوں نے اردن کے شاہ عبداللہ سے ٹیلیفونک گفتگو میں غزہ سے مزید فلسطینیوں کو پناہ دینے کا کہا ہے جبکہ وہ مصری صدر السیسی سے بھی کہیں گے کہ غزہ سے مزید لوگوں کو اپنے پاس آباد کریں۔
ٹرمپ نے کہا کہ یہ منتقلی عارضی یا مستقل بھی ہوسکتی ہے، ہم مکمل صفائی چاہتے ہیں، غزہ ایک تباہ شدہ جگہ ہے، عرب ممالک سے مل کر الگ جگہ رہائشی منصوبے کی تعمیر چاہتے ہیں، جہاں وہ امن سے رہ سکیں۔ یاد رہے کہ جنگ بندی معاہدے اور قیدیوں کے تبادلے کا فارمولا طے پا جانے کے بعد غزہ سے فلسطینییوں کے انخلا کا منصوبہ اردن نے مسترد کر دیا۔
