پرویز خٹک دوبارہ سیاست میں انٹری

پرویز خٹک دوبارہ سیاست میں انٹری کیلئے تیار، 22 فروری کو جلسے کا اعلان کر دیا

ویب ڈیسک: سابق وزیراعلیٰ خیبرپختونخوا اور سابق وفاقی وزیر پرویز خٹک دوبارہ سیاست میں انٹری کیلئے تیار ہو گئے، انہوں نے اس سلسلے میں پہلا قدم اٹھاتے ہوئے 22 فروری کو جلسے کا اعلان کر دیا۔
ذرائع کے مطابق سابق وزیر دفاع نے 22 فروری کو مانکی شریف میں جلسے کا اعلان کر دیا، اس حوالے سے پرویز خٹک اور ان کے بھائی لیاقت خٹک نے تیاری شروع کر دی ہے۔ سیاست سے وقفے کے بعد پرویز خٹک اور ان کے گھر والے ایک بار پھر سیاست کے میدان میں دکھائی دینے کیلئے تیاری کر رہے ہیں، جلد ہی ان کا عوام سے دوبارہ رابطہ بحال ہو جائیگا۔
خاندانی ذرائع کے مطابق پرویز خٹک دوبارہ سیاست میں انٹری کیلئے باقاعدہ لائحہ عمل کا اعلان بھی اسی جلسے میں کریں گے۔ اس حوالے سے بتایا گیا ہے کہ پرویز خٹک اور ان کے بھائی کے درمیان تمام اختلاف بھی ختم ہو گئے ہیں۔ پرویز خٹک نے ضلع نوشہرہ سے دوبارہ مہم شروع کر دی ہے، سابق وزیر دفاع نے اپنے پرانے ساتھیوں کو بھی دوبارہ موبلائز کرنا شروع کیا ہے۔

مزید پڑھیں:  ملک میں فسطائیت کا راج ،چادر اور چار دیواری محفوظ نہیں: علی محمدخان