ویب ڈیسک: امریکہ کے صدر ڈونلڈ ٹرمپ نے پرزور انداز میں مطالبہ کیا ہے کہ مصر اور اردن مزید فلسطینیوں کو پناہ دیں، سارا غزہ ایک تباہ شدہ علاقے کا منظر پیش کر رہا ہے، اس کی تعمیر و ترقی میں وقت لگے گا۔ غیر ملکی ذرائع ابلاغ کے مطابق امریکی صدر نے اُردن کے شاہ عبداللّٰہ سے ٹیلی فونک رابطہ کیا اور اُن سے مطالبہ کیا کہ مصر اور اردن مزید فلسطینیوں کو پناہ دیں، یہ ان پناہ گزینوں کیلئے بھی باعث سہولت ہوگا۔
صدر ٹرمپ نے کہا کہ سارا غزہ ایک تباہ شدہ علاقے کا منظر پیش کر رہا ہے، میں چاہوں گا عرب ممالک اس سلسلے میں آگے آئیں جو دوسری جگہوں پر فلسطینیوں کے لیے گھر تعمیر کریں، جہاں وہ امن سے رہ سکیں۔ یاد رہے کہ کے پچھلے سال امریکا کی جانب سے فلسطینیوں کی زبردستی نقل مکانی کی مخالفت کی گئی تھی اور اسرائیلی جارحیت کی وجہ سے اس وقت غزہ میں تقریباً تمام تر آبادی بے گھر ہے اور وہاں بھوک کا بحران آیا ہوا ہے۔
