ویب ڈیسک: اٹالین وزیراعظم دورہ پر سعودی عرب پہنچ گئیں، اپحے دورہ کے دوران سعودی ولی عہد سے ملاقات میں اہم امور پر تبادلہ خیال کیا گیا۔
تفصیلات کےمطابق اٹلی کی وزیراعظم جارجیا میلونی سعودی عرب کے سرکاری دورے پر جدہ پہنچ گئیں، اپنے دورہ کے دوران انہوں نے سعودی ولی عہد شہزادہ محمد بن سلمان سے ملاقات کی۔
جدہ کے کنگ عبدالعزیز انٹرنیشنل ایئرپورٹ پر نائب گورنر مکہ مکرمہ شہزادہ سعود بن مشعل بن عبدالعزیز نے اٹالین وزیراعظ کا استقبال کیا، اس موقع پر اٹلی میں سعودی سفیر شہزادہ فیصل بن سطاام بن عبدالعزیز، وزیر تجارت ماجد القصبی، جدہ کے میئر صالح بن علی الترکی، مملکت میں اٹلی کے سفیر کارلو بالڈوچی اور دیگرعہدیدار بھی ایئر پورٹ پر موجود تھے۔
سعودی ولی عہد شہزادہ محمد بن سلمان اور اطالوی وزیراعظم کے درمیان ملاقات کے دوران دو طرفہ تعلقات اور معاہدات کے بارے میں تبادلہ خیال کیا گیا اور مختلف شعبوں میں دونوں ملکوں کے درمیان تعاون بڑھانے کے امور پر بات چیت کی گئی۔ اس دوران علاقائی و بین الاقوامی صورتحال کے ساتھ باہمی دلچسپی کے امور بھی زیر بحث آئے۔
ولی عہد اور وزیراعظم کے درمیان شام، لبنان اور اسرائیل و فلسطین کے درمیان جنگی صورت حال پر بھی تبادلہ خیال ہوا، اس دوران دیگر مسائل پر بھی کھل کر بات چیت کی گئی۔ اس دورہ کے بعد جارجیا میلونی آج بحرین جائیں گی، ان کا یہ دورہ اٹلی کے کسی سربراہ کا پہلا دورہ بحرین ہوگا، جہاں وہ بحرین کے شاہ حماد بن عیسیٰ الخلیفہ سے ملاقات کریں گی۔
یاد رہے کہ اٹالین وزیراعظم دورہ پر سعودی عرب پہنچ گئیں، اپحے دورہ کے دوران سعودی ولی عہد سے ملاقات میں اہم امور پر تبادلہ خیال کیا گیا۔ اس دورہ کے بعد جارجیا میلونی بحرین کا دورہ کریں گی.
