ویب ڈیسک: نمائشی میچ کیلئَے افغان ویمن کرکٹ ٹیم تیار ہو گئی ہے، ٹی 20 کے نمائشی میچ میں کرکٹ ود آؤٹ بارڈرز الیون سے ٹکرائیگی، کھلاڑی بھی بہترین کارکردگی کیلئے پرعزم ہیں۔ تفصیلات کے مطابق افغان ویمن کرکٹ ٹیم نمائشی میچ کیلئَے تیار ہو گئی ہے، نمائشی میں کرکٹ ود آؤٹ بارڈرز الیون سے ٹکرائیگی، ملبورن کے جنکشن اوول میں تین سال بعد دوبارہ افغانی ٹیم ایکشن میں نظرآئے گی۔
میچز شیڈول کے مطابق افغان ویمن کرکٹ ٹیم نمائشی ٹی 20 میچ میں کرکٹ ود آؤٹ بارڈرز الیون کے مد مقابل آئے گی، یہ میچ ایم سی جی میں آسٹریلیا اور انگلینڈ کی ویمنز ٹیموں کے ڈے اینڈ نائٹ ویمنز ایشز ٹیسٹ کے افتتاحی دن سے قبل کھیلا جائے گا۔ یہ پہلا موقع ہے کہ جب افغان ویمن ٹیم طالبان کے اقتدار کے بعد ملک چھوڑنے کے بعد ایک گروپ کے طور پر اکٹھی ہوئی ہے، ٹیم کے نصف ارکان کینبرا میں مقیم ہیں جبکہ باقی کھلاڑی میلبورن میں پناہ گزین کے طور پر آباد ہیں۔
یہ نمائشی میچ نہ صرف خواتین کی کرکٹ کی اہمیت کو اجاگر کرتا ہے بلکہ افغان خواتین کے حقوق اور مساوی مواقع کے لیے جدوجہد کو بھی نمایاں کرتا ہے۔ ملبورن میں افغانستان الیون کے میچ سے قبل ناہیدہ سپن اور فیروزہ امیری نے میڈیا سے گفتگو میں کہا کہ یہ واقعی ہمارے لیے اہم ہے، خاص طور پر افغان خواتین کے لیے کیونکہ یہ تمام افغان خواتین کے لیے ایک بہت ہی تاریخی لمحہ ہے۔
انہوں نے کہا کہ ہمیں اس میچ سے بڑی امیدیں ہیں کیونکہ یہ میچ افغان خواتین کے لیے تعلیم، کھیل اور مستقبل کے لیے دروازے کھول سکتا ہے۔ ہم نہیں چاہتے کہ یہ ہمارا پہلا اور آخری میچ ہو، ہم مزید میچز چاہتے ہیں۔ یاد رہے کہ آسٹریلیا فی الحال دو طرفہ میچز میں افغانستان سے نہیں کھیلتا لیکن صرف آئی سی سی ایونٹس میں اس کا سامنا کرتا ہے، اگلے ماہ پاکستان اور یو اے ای میں ہونے والی چیمپئنز ٹرافی کے لیے دونوں ٹیمیں ایک ہی گروپ میں شامل ہیں۔
یاد رہے نمائشی میچ کیلئَے افغان ویمن کرکٹ ٹیم تیار ہو گئی ہے، ٹی 20 کے نمائشی میچ میں کرکٹ ود آؤٹ بارڈرز الیون سے ٹکرائیگی، کھلاڑی بھی بہترین کارکردگی کیلئے پرعزم ہیں۔
