سوال
کیا غیر سید مرد کا سادات میں نکاح کرنا درست ہے؟ اسی طرح غیر سیدہ عورت کا سادات میں نکاح؟
جواب
سید لڑکے کا غیر سید لڑکی سے نکاح کرنا بہرصورت جائز ہے۔ اور سیدہ لڑکی کا نکاح ولی کی اجازت سے غیر سید مسلمان لڑکے سے بھی جائز ہے۔
البتہ اگرعاقلہ وبالغہ سیدہ لڑکی اپنے ولی کی اجازت کےبغیر غیر سید لڑکے سے نکاح کرے تو نکاح منعقد ہوجائےگا،لیکن اگر لڑکا اس لڑکی کا کفو نہ ہو (یعنی قریش کے علاوہ دیگر عرب قبیلہ کا یا عجمی قوم میں سے ہو) اور ولی کو اس پر اعتراض ہوتو اولاد ہونے سے پہلے ولی بذریعہ عدالت اس نکاح کو ختم کروا سکتا ہے۔ فقط واللہ اعلم
________________________________________
فتوی نمبر : 144008202048
دارالافتاء : جامعہ علوم اسلامیہ علامہ محمد یوسف بنوری ٹاؤن
