بین الاقوامی رابطہ کار کمیٹی

عمران خان کی ہدایت پر پی ٹی آئی کی بین الاقوامی رابطہ کار کمیٹی تشکیل

ویب ڈیسک: بانی پی ٹی آئی عمران خان کی ہدایت پر پاکستان تحریک انصاف نے بین الاقوامی رابطہ کاری کے لیے کمیٹی تشکیل دے دی۔
پارٹی کی جانب سے جاری اعلامیے میں کہا گیا کہ سابق سیکرٹری اطلاعات پاکستان تحریک انصاف رئوف حسن کی صدارت میں تشکیل کردہ کمیٹی دیگر ممالک کے ساتھ سفارتی تعلقات میں بہتری پیدا کرنے اور خطے میں بدلتی صورتحال کے مطابق خارجہ پالیسی میں پاکستان کی ترجیحات کو فروغ دینے سے متعلق سفارشات مرتب کرے گی۔
پارٹی ذرائع نے اس حوالے سے مزید کہا ہے کہ تشکیل دی جانے والی کمیٹی پاکستان کا موقف موٹر طریقے سے بین الاقوامی سطح پر اجاگر کرے گی۔
تشکیل کردہ کمیٹی میں سیکرٹری جنرل پاکستان تحریک انصاف سلمان اکرم راجا، ولید اقبال، سجاد برکی، خدیجہ شاہ اور علی اصغر خان شامل ہیں۔

مزید پڑھیں:  برٹش پاکستانی کریم خان امریکی پابندیوں کا شکار ہونے والے پہلے عہدیدار ہوں گے