ویب ڈیسک: چیف جسٹس یحییٰ آفریدی آف پاکستان نے ججز تقرری جوڈیشل کمیشن کا اجلاس 11فروری کو طلب کر لیا۔
سپریم کورٹ کے اعلامیہ کے مطابق چیف جسٹس آف پاکستان کی زیر صدارت جوڈیشل کمیشن اجلاس میں سپریم کورٹ میں 8ججز کی تعیناتیوں پر غور ہوگا۔
اجلاس میں ججز تعیناتیوں کے لیے ہائیکورٹس کے چیف جسٹس صاحبان سمیت 5 سینئر ججز کے ناموں پر غور ہوگا۔
دوسری جانب جوڈیشل کمیشن نے لاہور بلوچستان اور پشاور ہائیکورٹ کے سینئر ججز کو ڈی نوٹیفائی کردیا۔
اعلامیہ کے مطابق سینئر ہائیکورٹس ججز کو جسٹس منیب اختر کے اعتراضات پر ڈی نوٹیفائی کیا گیا۔
