ویب ڈیسک: عالیہ حمزہ ملک پی ٹی آئی پنجاب کی چیف آرگنائزر مقرر، چیئرمین بیرسٹر گوہر نے نوٹیفکیشن جاری کر دیا۔
تفصیلات کے مطابق سابق رکن قومی اسمبلی اور رہنما پی ٹی آئی عالیہ حمزہ ملک پی ٹی آئی پنجاب کی چیف آرگنائزر مقرر کر دی گئی ہیں۔ ان کی تقرری کا اعلامیہ بانی پاکستان تحریک انصاف عمران خان کی ہدایت پر چیئرمین بیرسٹر گوہر نے جاری کر دیا ہے۔
یاد رہے حال ہی میں وزیراعلیٰ خیبرپختونخوا علی امین گنڈاپور سے صدر پی ٹی آئی خیبرپختونخوا کا عہدہ لے کر ان کی جگہ پارٹی رہنما جنید اکبر کو صدر مقرر کیا گیا تھا، اس کے ساتھ ہی تحریک انصاف میں تبدیلیوں کی ہوا چل پڑی۔
اس حوالے سے مبصرین کا کہنا ہے کہ پی ٹی آئی کی تشکیل نو کا یہ عمل جاری رہے گا اور اہم عہدوں پر مزید تبدیلیاں دیکھنے کو ملیں گی، جیسے کہ صوبائی لیول پر چند تبدیلیاں ہوئیں، امکان ہے کہ مرکزی سطح پر بھی تبدیلیاں کی جائیں۔
