ویب ڈیسک: صوبہ خیبر پختونخوا میں نصاب تعلیم میں موسمیاتی تبدیلی سے متعلق مضامین شامل کرنے پر غور شروع کر دیا گیا، خیبرپختونخوا انوائرنمنٹل پروٹیکشن کونسل نے تجاویز کیلئے کمیٹی تشکیل دے دی.
نصاب تعلیم میں موسمیاتی تبدیلی سے متعلق مضامین شامل کرنے کے حوالے سے تشکیل دی گئی کمیٹی میں سیکرٹری محکمہ موسمیات، جنگلات ، ماحولیات اور جنگلی حیات کمیٹی چیئرمین ہوں گے جبکہ چیئرمین خیبر پختونخوا ٹیکسٹ بک بورڈ، ڈائریکٹر کریکولم، ڈائریکٹر محکمہ اعلیٰ تعلیم،ڈائریکٹر ابتدائی و ثانوی تعلیم، چیئرمین شعبہ ماحولیاتی سائنسز جامعہ پشاور و دیگر کمیٹی کے ممبران نامزد کئے گئے ہیں۔
ماحولیاتی تبدیلی سے متعلق مضامین کے لئے نامزد کمیٹی میں نجی سکولوں کے نمائندے بھی ممبران ہوں گے۔ یاد رہے کہ موجودہ صورتحال میںموسمیاتی تبدیلی سے نمٹنے کے حوالے سے کی جانیوالی کوششوںپر بھی روشنی ڈالی جائے گی.
