ویب ڈیسک: چیئرمین پی ٹی آئی بیرسٹر گوہر نے کہا ہے کہ تحریک انصاف میں کرپشن کے خلاف زیرو ٹالرنس ہے ، خیبر پختونخوا میں کسی قسم کی کرپشن برداشت نہیں کی جائے گی۔
میڈیا سے گفتگو کرتے ہوئے بیرسٹر گوہر علی خان کا کہنا تھا کہ علی امین گنڈا پور کی مرضی سے خیبر پختونخوا میں نیا پارٹی صدر مقرر ہوا ہے ، پی ٹی آئی قانون کی حکمرانی کے لیے جدوجہد کر رہی ہے۔
انہوں نے کہا کہ ہماری ایک ہی مذاکراتی کمیٹی بنی تھی اور ایک ہی جگہ مذاکرات ہو رہے تھے ، فراخ دلی سے حکومت کے ساتھ بیٹھے تھے۔
بیرسٹر گوہر نے کہا کہ بدقسمتی سے مذاکرات آگے نہیں بڑھ سکے ، جب بھی مذاکرات کریں گے ، چھپ کر نہیں کھل کر کریں گے۔
چیئرمین پی ٹی آئی کا کہنا تھا کہ پی ٹی آئی قانون کی حکمرانی کے لیے جدوجہد کر رہی ہے ،علی امین گنڈا پور سے متعلق غلط فہمیاں پھیلا ئی جا رہی ہیں ، علی امین گنڈاپور نے بانی پی ٹی آئی کو کہا تھا ذمہ داریاں زیادہ ہیں۔
