ویب ڈیسک: نادرا کی جانب سے خصوصی افراد کیلئے تاحیات میعاد کیساتھ منفرد شناختی کارڈ جاری کرنے کا فیصلہ کیا گیا ۔
ترجمان نادراکے مطابق حکومتِ پاکستان کی طرف سے نادرا (قومی شناختی کارڈ کے قوانین مجریہ 2002) میں ترامیم کی منظوری کے بعد پاکستان میں اور بیرون ملک مقیم پاکستانیوں کو وہیل چیئر کے لوگو والا خصوصی کارڈ جاری کیا جائیگا۔
خصوصی بچوں کے ب فارم یا جووینائل کارڈ پربھی وہیل چیئر کا نشان ہوگا، خصوصی افراد کے لئے متعلقہ وفاقی یا صوبائی اداروں میں اندراج ضروری ہوگا۔
ترجمان نے بتایا کہ اعضا عطیہ کرنے والے ا فراد کوبھی تاحیات میعاد کے ساتھ خصوصی کارڈ جاری کیا جائیگا۔
اعضا عطیہ کرنے والے خصوصی افراد کے کارڈ پروہیل چیئراورڈونردونوں کے نشانات ہوں گے۔
قواعد میں ترامیم کا نوٹیفکیشن آئندہ گزٹ آف پاکستان میں شائع ہونے پریہ تبدیلیاں نافذ العمل ہوں گی۔
