ویب ڈیسک: عالمی برادری غزہ میں مکمل جنگ بندی، اسرائیلی فوج کا انخلا یقینی بنائے،بے گھر افراد کیلئے امداد کی فراہمی یقینی بنائی جائے، یہ مطالبات اقوام متحدہ میں پاکستان کے مستقل مندوب منیر اکرم نے کیا.
اقوام متحدہ کی سلامتی کونسل میں فلسطین کی صورتحال پر منعقدہ اہم اجلاس میں اقوام متحدہ میں پاکستان کے مستقل مندوب منیر اکرم نے کہا کہ پاکستان غزہ میں جنگ بندی معاہدے کا خیرمقدم کرتا ہے اور قطر و مصر کی کوششوں کو قابل تحسین قرار دیتا ہے، اس کے ساتھ ہی انہوں نے غزہ جنگ بندی معاہدے کے تمام مراحل پر عملدرآمد کرانے کا مطالبہ کر دیا۔
مطابلات پٔیش کرتے ہوئے ان کا کہنا تھا کہ غزہ سے اسرائیلی فوج کا مکمل انخلا ہونا چاہیے اور بے گھر افراد کیلئے امداد کی فراہمی یقینی بنائی جائے، جبکہ پاکستان کو مقبوضہ مغربی کنارے میں اسرائیلی حملوں پر بھی شدید تشویش ہلاحق ے۔ اپنے خطاب میںانہوں نے مزید کہا کہ انروا لاکھوں فلسطینیوں کی امید بنی ہوئی ہے اور اسرائیل کو کسی فلاحی تنظیم کا دفتر بند کرنے کا حق نہیں، عالمی برادری اسرائیلی جارحیت کو روکنے کیلئے مؤثر اقدامات کرے اور فلسطینی عوام کی بحالی و تحفظ کو یقینی بنائے۔
پاکستانی مندوب نے عالمی برادری سے مطالبہ کیا کہ وہ غزہ میں مکمل جنگ بندی سمیت اسرائیلی فوج کا انخلا یقینی بنائے، جبکہ بے گھر فلسطینیوں کیلئے فوری امداد کی فراہمی یقینی بنانے کا بھی پرزور مطالبہ کیا گیا، ان کا کہنا تھا کہ پاکستان مغربی کنارے میں فلسطینیوں کی املاک پر اسرائیلی حملوں پر بھی گہری تشویش رکھتا ہے اور مکمل امن کے قیام کیلئے عالمی برادری کے فوری اقدامات کا خواہاں ہے۔
انروا کے سربراہ فلپ لازارینی نے فلسطین کی صورتحال کے حوالے سے منعقدہ اجلاس میں کہا کہ اسرائیل نے انہیں آپریشن بند کرنے کیلئے 48 گھنٹے کا وقت دیا ہے، انروا پر پابندیوں سے فلسطینیوں کو نقصان ہوگا اور اسرائیل پہلے ہی انروا کے تمام راستے بند کر چکا ہے۔
