ویب ڈیسک: بانی پی ٹی آئی عمران خان اور وزیراعلیٰ خیبرپختونخوا علی امین گنڈاپور کے درمیان ملاقات کی اندرونی کہانی سامنے آگئی ۔
ذرائع کے مطابق ملاقات کے دوران عمران خان نے خیبر پختونخوا میں قائم انٹر اکانٹیبلٹی کمیٹی کی رپورٹ پر وزیر اعلیٰ گنڈا پور کے سے تحفظات کا اظہار کرتے ہوئے کہا کہ صوبے میں مبینہ بیڈ گورننس اور کرپشن کی شکایات مل رہی ہیں۔
اس موقع پر وزیر اعلیٰ علی امین گنڈا پور نے کہا کہ پوسٹنگ ٹرانسفرز میں میرا کوئی کردار نہیں، اراکین اسمبلی پوسٹنگ ٹرانسفرز کیلئے سفارش کرتے ہیں، پوسٹنگ ٹرانسفرز خود کرواتے ہیں اور شکایتیں میرے خلاف کرتے ہیں۔
عمران خان نے کہا کہ پارٹی صدارت کا عہدہ اس لیے واپس لیا تاکہ آپ پر کام کا بوجھ کم ہو، اس لیے پارٹی عہدہ آپ سے لیا تاکہ آپ گڈگورننس پر توجہ دے سکیں، آپ صوبے کے چیف ایگزیکٹو ہیں، گورننس کو بہتر کریں۔
بانی پی ٹی آئی نے کہا کہ میری مکمل سپورٹ آپ کے ساتھ ہے، آپ کو مکمل اختیار حاصل ہے، آپ صوبے میں مبینہ کرپشن اور بیڈ گورننس سے متعلق شکایات کا خاتمہ کریں۔
ذرائع کے مطابق سابق وزیراعظم عمران خان سے ملاقات کے بعد وزیراعلیٰ علی امین گنڈاپور کی معاون خصوصی اینٹی کرپشن سے ملاقات ہوئی۔
علی امین گنڈا پور نے معاون خصوصی کو ہدایت کی کہ خیبرپختونخوا میں کرپشن کا خاتمہ کریں، آپ کو مکمل اختیار ہے، جو بھی کرپشن میں ملوث ہے، قانون کیکٹہرے میں لائیں۔
