ویب ڈیسک: وزیراعظم شہبازشریف کی تحریک انصاف کو مذاکرات کی پھر دعوت، اب کی بات کمیشن کی بجائے پارلیمانی کمیٹی بنانے کی پیشکش کردی گئی ہے۔
تفصیلات کے مطابق وزیراعظم شہبازشریف نے تحریک انصاف کو مذاکرات کی دعوت دوبارہ دیتے ہوئے پارلیمانی کمیٹی بنانے کی پیشکش بھی کر دی۔ وفاقی کابینہ اجلاس میں وزیراعظم نے کہا کہ کھلے دل سے پی ٹی آئی کی ساتھ مذاکرات میں بیٹھے تھے اور انہیں مذاکرات کے لیے ساز گار ماحول بھی فراہم کیا گیا، لیکن اس کے باوجود تحریک انصآف مذاکرات سے بھاگ رہی ہے۔
وفاقی کابینہ اجلاس سے خطاب کرتے ہوئے وزیراعظم نے کہا کہ ہم نے بہت نیک نیتی سے پی ٹی آئی سے مذاکرات کیے، ہماری کمیٹی نے ان سے کہا کہ زبانی کلامی مطالبات کی بجائے اپنے تحریری مطالبات دیں، جس پر انہوں نے اقدام کرتے ہوئے مطالبات پیش بھی کئے، لیکن اس کے باوجود اب وہ مذاکراتی عمل توڑنا چاہتے ہیں۔
ذرائع نے تبایا ہے کہ شہباز شریف نے پی ٹی آئی کو کمیشن کی بجائے پارلیمانی کمیٹی بنانے کی پیشکش کرتے ہوئے کہا کہ وہ آئیں اور ہمارے ساتھ بیٹھیں، ہم ہاؤس کمیٹی بنانے کو تیار ہیں، ہم مذاکرات کے لیے صدق دل سے تیار ہیں۔
یاد رہے پی ٹی آئی نے 9 مئی اور 26 نومبر کے واقعات کے کمیشن بنانے کا مطالبہ کر رکھا ہے، جس کے باعث پی ٹی آئی مذاکراتی کمیٹی کے اجلاس میں بھی شرکت نہیں کی۔
