کرم انتظامیہ کا صوبائی حکومت

نقصانات ازالہ، کرم انتظامیہ کا صوبائی حکومت سے 60کروڑ روپے کا مطالبہ

ویب ڈیسک: ضلع کرم کی انتظامیہ نے حالیہ کشیدگی کے دوران ہونے والے نقصانات کے ازالے کیلئے صوبائی حکومت سے 60کروڑ روپے کا مطالبہ کر لیا۔ ضلعی انتظامیہ کی جانب سے کہا گیا کہ کرم فسادات میں ہونے والے نقصانات کا تخمینہ لگایا جا رہا ہے، بگن و دیگر علاقوں کا ابتدائی سروے بھی مکمل کر لیا گیا ہے۔
کرم کی ضلعی انتظامیہ کے مطابق عمارتوں کی آرائش اور مکمل بحالی کے لیے صوبائی حکومت سے 60کروڑ روپے طلب کئے گئے ہیں، کرم میں امن معاہدے پر عمل درآمد کے تحت غیر قانونی بنکرز کے خاتمے کا عمل تیزی سے جاری ہے۔
اس سلسلے میں اب تک کی کارروائی میں مجموعی طور پر 14 بنکرز کو دھماکوں سے تباہ کیا جا چکا ہے، جبکہ 6 بنکرز کو جزوی طور پر ناکارہ بنایا گیا ہے۔
انتظامیہ کے مطابق کرم میں 250 سے زائد غیر قانونی بنکرز قائم ہیں، جنہیں مرحلہ وار ختم کیا جا رہا ہے، حکومت کرم میں پائیدار امن کے قیام کے لیے بھرپور اقدامات کر رہی ہے۔

مزید پڑھیں:  وزیراعلیٰ خیبرپختونخوا حسنین کے علاج کا وعدہ پورا کریں، لواحقین کا مطالبہ