3اسرائیلی اور5تھائی یرغمالی رہا

غزہ: یحییٰ السنوار کے تباہ شدہ گھر کے قریب سے 3اسرائیلی اور5تھائی یرغمالی رہا

ویب ڈیسک:حماس نے یحییٰ السنوار کے تباہ شدہ گھر کے قریب سے 3 اسرائیلی اور5 تھائی یرغمالی رہا کردیئے۔
اسرائیلی میڈیا کے مطابق حماس کی جانب سے ایک اسرائیلی خاتون فوجی، 5تھائی شہری اور دو مزید اسرائیلی خواتین کو رہا کردیاگیا۔
اسرائیلی خاتون فوجی 20 سالہ اگم برجر کو جبالیہ پناہ گزین کیمپ سے رہا کیا گیا ان کے بعد دو مزید اسرائیلی 29 سالہ اربیل یہود اور 80سالہ گادی موسیس کو بھی رہا کیا گیا۔
علاوہ ازیں حماس نے تھائی لینڈ کے 5شہریوں کو بھی رہا کیا اس طرح آج مجموعی طور پر 8 یرغمالیوں کو رہائی نصیب ہوئی۔
حماس نے اسرائیلی یرغمالیوں کی رہائی کے لیے جو مقام چنا اس نے سب کو حیران کردیا،یہ اسرائیلی فوج سے دلیرانہ لڑتے ہوئے جان قربان کرنے والی یحییٰ السنوار کا تباہ حال گھر تھااس موقع پر جذباتی مناظر دیکھے گئے۔
فلسطینیوں کی بڑی تعداد اپنے رہنما کے کھنڈر بنے گھر کے نزدیک موجود تھے اور ان کی یاد میں رو رہے تھے۔
حماس نے کمال ضبط کا مظاہرہ کرتے ہوئے یرغمالیوں کو بحفاظت ریڈ کراس کے حوالے کیا اور پیغام دیا کہ اپنے رہنما کی شہادت اور کھنڈر بنے گھر کے باوجود صبر و تحمل کے ساتھ ایفائے عہد نبھایا۔

مزید پڑھیں:  والدین اور طلبہ ہوشیار، منشیات کی نئی قسم ٹافی کی شکل میں بکنے لگی