ویب ڈیسک: وزیراعظم شہبازشریف سے چینی سفیر جیانگ زیڈونگ کے مابین ملاقات ہوئی، جس میں باہمی دلچسپی کے اہم امور پر تبادلہ خیال کیا گیا۔
تفصیلات کے مطابق وزیراعظم شہبازشریف سے چینی سفیر جیانگ زیڈونگ نے ملاقات کی، دونوں رہنماوں کے مابین ہونے والی اس ملاقات میں دو طرفہ اقتصادی اور سکیورٹی تعاون سے متعلق امور پر تبادلہ خیال کیا گیا۔
وزیراعظم ہاؤس میں ہونے والی اس ملاقات میں وزیراعظم شہباز شریف نے چینی سفیر کو چینی سال نو کی مبارکباد پہیش کی اور نئے سال کی تقریبات میں چینی قیادت کے ساتھ ساتھ چینیوں بشمول پاکستان میں مقیم تمام چینی شہریوں کے لیے نیک خواہشات کا اظہار کیا۔
وزیراعظم پاکستان کا اس موقع پر کہنا تھا کہ امید ہے یہ نیا سال پاکستان اور چین کے درمیان دوستی کے رشتے مزید مضبوط کرے گا اور خوشحالی لائے گا۔
چینی سفیر نے نئے چینی سال پر چینی حکومت اور اس کے عوام کے لیے نیک تمناؤں کا اظہار کرنے پر وزیراعظم شہباز شریف اور پاکستانی عوام کا شکریہ ادا کیا۔
