ویب ڈیسک: خیبر پختونخوا میں سیکورٹی فورسز کی مختلف کارروائیوں کے دوران 10دہشت گرد ہلاک ہو گئے ۔
پاک فوج کے شعبہ تعلقات عامہ کے مطابق سکیورٹی فورسز نے ڈیرہ اسماعیل خان کے علاقے کلاچی میں انٹیلی جنس کی بنیاد پر آپریشن کیا جس میں 4دہشت گردوں کو ہلاک کیا گیا ۔
آئی ایس پی آر کے مطابق سکیورٹی فورسز نے شمالی وزیرستان میں 4مختلف کارروائیاں کیں،دتہ خیل، حسن خیل، غلام خان اور میر علی میں فائرنگ کا تبادلہ ہوا جس کے نتیجے میں6دہشت گرد ہلاک ہو گئے
پاک فوج کے شعبہ تعلقات عامہ کے مطابق ہلاک خوارج کے قبضے سے اسلحہ اور گولہ بارود بھی برآمد ہوا، ہلاک خوارج سکیورٹی فورسز پر دہشت گرد کارروائیوں سمیت معصوم شہریوں کے قتل میں ملوث تھے۔
آئی ایس پی آر کا کہنا ہے کہ علاقے میں پائے جانے والے دیگر خوارج کے خاتمے کیلئے سینیٹائزیشن آپریشن جاری ہے، سکیورٹی فورسز ملک سے دہشت گردی کی لعنت کے خاتمے کیلئے پرعزم ہیں۔
