ویب ڈیسک: خیبر پختونخوا میں سرکاری ملازمین سے کرپشن نہ کرنے کا حلف لینے کا فیصلہ کیا گیا ہے۔
ذرائع کے مطابق محکمہ صحت خیبر پختونخوا کی جانب سے صوبے میں 37ڈی ایچ اوز سے کرپشن نہ کرنے کا حلف لینے کا فیصلہ کیا گیا ہے، اس سلسلے میں تمام ڈی ایچ اوزکے عملے کو مشیر صحت کے دفتر میں بلایا جائے گا۔
ذرائع نے بتایا کہ فیصلے کے تحت ڈی ایچ اوز کو تحریری حلف نامے فراہم کیے جائیں گے،ڈی ایچ اوز اور عملے سے حلف لیاجائیگا کہ انہوں نے کرپشن کی تو ان پراللہ کا عذاب نازل ہو۔
ذرائع نے مزید بتایا کہ ڈی ایچ اوز سے قوم کے پیسے ذاتی مفاد کے لیے استعمال نہ کرنے، محنت سے کا م کرنے ا ورشعبہ صحت کو مزید بہتربنانے کا حلف لیا جائے گا۔
مشیر صحت احتشام علی نے تصدیق کی ہے کہ کرپشن کے خاتمے اور شعبہ صحت بہتری کے لیے ڈی ایچ اوز سیحلف لیا جائے گا اور جس کیخلاف بھی شکایت ملی، تحقیقات پرکرپشن ثابت ہوئی توکارروائی ہوگی۔
انہوں نے کہا کہ بانی پی ٹی آئی عمران خان کے وژن کے مطابق کرپشن کو کسی صورت برداشت نہیں کیا جائیگا۔
