ویب ڈیسک :پشاور میں سوئی گیس بحران تھمنے کا نام نہیں لے رہا، رمضان المبارک کی آمد سے قبل ہی گیس کی بد ترین لوڈشیڈنگ عروج پر ہے، جسکے باعث عوام مہنگے داموں ایل پی جی گیس خریدنے پر مجبور ہیں ،تاہم متعلقہ حکام اور صوبائی حکومت اس حوالے سے ٹس سے مس نہیں ہو رہی۔ شہریوں نے حکام بالا سے اپیل کی ہے کہ رمضان المبارک سے قبل سوئی گیس کے بحران کے خاتمہ کیلئے ٹھوس اقدامات کئے جائیں بصورت دیگر احتجاج پر مجبور ہونگے، شہر کے بیشتر علاقوں میں سوئی گیس لوڈشیڈنگ نے شہریوں کی زندگی اجیرن بنا دی ہے ،صبح ،دوپہر اور شام میں لوڈشیڈنگ کے باعث امور خانہ داری میں شدید مشکلات کا سامنا کرنا پڑھ رہا ہے جبکہ شہریوں مہنگے داموں ایل پی جی گیس خریدنے پر مجبور ہیں ،اسکے علاوہ شہر کے بعض علاقوں میں گزشتہ کئی ماہ سے سوئی گیس غائب ہے شہریوں نے مطالبہ کیا ہے سوئی گیس بحران کے خاتمہ کیلئے سنجیدگی سے اقدامات اٹھا کر ہر صورت سوئی گیس کی فراہمی یقینی بنائی جائے بصورت دیگر احتجاج پر مجبور ہونگے۔
