اس بار لانگ مارچ کیلئے نکلے

اس بار لانگ مارچ کیلئے نکلے تو کسی سے بات نہیں ہوگی، جنید اکبر

ویب ڈیسک پاکستان تحریک انصاف خیبرپختونخوا کے صدر جنید اکبر نے کہا ہے کہ میں گراس روٹ سے ہو کر اس عہدہ تک آیا ہوں، کوئی مجھے پی ٹی آئی کی سیاست نہ سکھائے، اس بار لانگ مارچ کیلئے نکلے تو کسی سے بات نہیں ہوگی، جبکہ 8 فروری کے احتجاج کیلئے کسی کو بندے لانے کا ٹارگٹ نہیں دونگا۔
انہوں نے کہا ہے کہ آئندہ پارٹی کے لانگ مارچ میں یہ فرق ہوگا کہ پہلے قیادت اداروں کے ساتھ رابطے میں تھی، اس بار لانگ مارچ کیلئے نکلے تو کسی سے بات نہیں ہوگی، اگر اس دوران میں گرفتار ہوا تو شاہراہ ریشم، پاک افغان شاہراہ، موٹروے اور جی ٹی روڈ مکمل بند کریں گے۔
ضلع مالاکنڈ میں تقریب سے خطاب کرتے ہوئے جنید اکبر نے کہا کہ مجھے کوئی پی ٹی آئی کی سیاست نہ سکھائے، میں گراس روٹ لیول سے ہو کر آیا ہوں، بانی چئیرمین کو کہا تھا کہ میری جگہ ایسے بندے کو صوبے کا صدر بنائیں جس کا وزیراعلی خیبر پختونخوا علی امین گنڈاپور کے ساتھ تعلق اچھا ہو۔
ان کا کہنا تھا کہ جس دن اپنی بات پر کھڑا نہ ہو سکا، اس دن پی ٹی آئی کی صدارت چھوڑ دوں گا، پی ٹی آئی سے پیسوں کے عوض عہدے دینے کا کلچر کو ختم کروں گا، پارٹی کی تنظیم سازی کے لیے مجھے عمران خان نے کوئی ہدایت نہیں دی۔ موجودہ تنظیمیں ہی کام کریں گے، جب تک مجھے ہدایات نہیں ملتی۔
انہوں نے کہا کہ جو لوگ پارٹی کے جلسوں پر پیسے لگاتے ہیں پھر کرپشن بھی کرتے ہیں، 8 فروری کے احتجاج کے لئے کسی منتخب ممبر کو بندے لانے کا ٹارگٹ نہیں دونگا، جو لوگ پارٹی کے جلسوں اور احتجاج پر کروڑوں روپے لگاتے ہیں پھر وہ کماتے بھی ہیں۔
پی ٹی آئی رہنما نے کہا کہ ہم نے اس کلچر کو ختم کرنا ہے کہ پیسے لگا کر کماو، اب یہ نہیں چلے گا، جو انویسٹ کرتا ہے، پھر وہ کمیشن بھی لیتا ہے، 9 مئی کے بعد جس طرح ہمارے ورکرز کو رلایا گیا ہے، یہ بات میں کبھی نہیں بھولونگا، جب بھی اختیار ملا ان سب کو نشان عبرت بناونگا، یہ میرا وعدہ ہے، شہباز شریف یاد رکھے کل ہماری حکومت ائی تو اپ کے بچے بھی روئیں گے۔
جنید اکبر نے کہا ہے کہ میں گراس روٹ سے ہو کر اس عہدہ تک آیا ہوں، کوئی مجھے پی ٹی آئی کی سیاست نہ سکھائے، اس بار لانگ مارچ کیلئے نکلنے تو کسی سے بات نہیں ہوگی، جبکہ 8 فروری کے احتجاج کیلئے کسی کو بندے لانے کا ٹارگٹ نہیں دونگا۔

مزید پڑھیں:  اسحاق ڈار کا اماراتی ہم منصب سے رابطہ، غزہ صورتحال پر تبادلہ خیال