ایف بی آر خسارہ 468ارب تک

84ارب روپے اضافہ کیساتھ ایف بی آر خسارہ 468ارب تک جا پہنچا

ویب ڈیسک: فیڈرل بیورو آف ریونیو کے مسائل ہیں کے بڑھتے ہی جا رہے ہیں، حالیہ رپورٹ کے مطابق 84ارب روپے اضافہ کیساتھ ایف بی آر خسارہ 468ارب تک جا پہنچا۔
تفصیلات کے مطابق فیڈرل بورڈ آف ریونیو (ایف بی آر) کو موجودہ مالی سال کے پہلے 7 ماہ جولائی تا جنوری 468 ارب روپے کے بڑے ریونیو خسارے کا سامنا ہے، کیونکہ اب تک مقررہ ہدف 6964 ارب روپے کے مقابلے میں صرف 6496 ارب روپے ہی جمع کرائے جا سکے ہیں۔
ایف بی آر کا ریونیو خسارہ ہر گزرتے مہینے کے ساتھ مزید بڑھتا جا رہا ہے، جنوری 2025 کے لیے عارضی مجموعے کے اعداد و شمار میں بتایا گیا ہے کہ ایف بی آر نے جنوری 2025 میں 956 ارب روپے کے مطلوبہ ہدف کے مقابلے میں 872 ارب روپے کی وصولیاں کی ہیں۔
اس کے ساتھ ساتھ 872 ارب روپے کی ریونیو حاصل کرنے پر ایف بی آر نے ماہانہ بنیادوں پر 29 فیصد کی شرح نمو حاصل کی ہے۔ مالی سال کے پہلے چھ ماہ (جولائی تا دسمبر) کے دوران ریونیو خسارہ 384 ارب روپے تھا، اب جنوری 2025 میں مزید 84ارب روپے اضافہ کیساتھ ایف بی آر خسارہ 468ارب تک جا پہنچا۔ اس طرح پہلے سات ماہ میں مجموعی خسارہ بڑھ کر 468 ارب روپے تک پہنچ گیا ہے۔

مزید پڑھیں:  قائمقام چیف جسٹس کی حلف برداری تقریب میں‌ گورنر اور وزیراعلی کی ملاقات