پیکا ایکٹ جیسے متنازع قوانین پاس

پیکا ایکٹ جیسے متنازع قوانین پاس کرنے پر انہیں شرم آنی چاہیے، عمر ایوب

ویب ڈیسک: پاکستان تحریک انصاف کے رہنما اور قومی اسمبلی میں قائد حزب اختلاف عمر ایوب نے کہا ہے کہ پیپلز پارٹی نے متنازع پیکا ایکٹ اور ڈیجیٹل نیشن بل کیلئے ووٹ دیا، پیکا ایکٹ جیسے متنازع قوانین پاس کرنے پر انہیں شرم آنی چاہیے۔
لاہور عدالت میں پیشی کے موقع پر پی ٹی آئی رہنما کا کہنا تھا کہ پیپلز پارٹی نے متنازع پیکا ایکٹ اور ڈیجیٹل نیشن بل کیلئے ووٹ دیا، ایسے متنازع قوانین پاس کرنے پر انہیں شرم آنی چاہیے، ہم نے سینیٹ اورقومی اسمبلی میں دونوں بلوں کی بھرپور مخالفت کی، یہ چاہتے ہیں پاکستان میں جمہوریت اور آزادی اظہار رائے نہ ہو۔
انہوں نے کہا کہ ملک میں مہنگائی عروج پر ہے، بلوچستان میں حالات خراب ہیں، ملک کے معاشی حالات ٹھیک نہیں، سرمایہ کاری کیسے آئے گی، اسلام آباد میں بیٹھے حکمران ہوش کے ناخن لیں، لوگوں کو گولی اور ڈنڈے کے زور پر نہ دبائیں، ہم آئین اور قانون کی بالادستی چاہتے ہیں۔
عمر ایوب کا مزید کہنا تھا کہ پنجاب پولیس کچے کے ڈاکوؤں کا مقابلہ نہیں کرسکتی، پی ٹی آئی کارکنان پر چڑھ دوڑتی ہے، بانی پی ٹی آئی سے ہماری میٹنگ بھی نہیں کرائی جا سکی۔ قومی اسمبلی میں قائد حزب اختلاف عمر ایوب نے کہا ہے کہ پیپلز پارٹی نے متنازع پیکا ایکٹ اور ڈیجیٹل نیشن بل کیلئے ووٹ دیا، پیکا ایکٹ جیسے متنازع قوانین پاس کرنے پر انہیں شرم آنی چاہیے۔

مزید پڑھیں:  عرب ممالک نے فلسطینی ریاست کے قیام تک اسرائیل سے تعلقات بحالی مسترد کر دی