ویب ڈیسک: اقوام متحدہ کے سیکرٹری جنرل انتونیو گوتریس نے غزہ سے فلسطینیوں کے انخلاء کے حوالے سے واضح کیا ہے کہ غزہ سے فلسطینیوں کا انخلاء نسل کشی ہی کے مترادف ہوگا، انہیں یا قتل کرنا یا ان کا علاقے سے انخلاء دونوں نسل کشی کے زمرے میں آتے ہیں۔
انتونیو گوتریس نے کہا کہ غزہ کی پٹی میں جنگ بندی جاری رہنی چاہیے، غزہ کی پٹی کی تعمیر نو کے اخراجات اور مدت کا تخمینہ لگانا انتہائی مشکل ہے، سب سے اہم ٹاسک رفح سرحدی گزرگاہ کو دوبارہ کھولنا ہے۔
اقوام متحدہ کے سیکرٹری جنرل کا کہنا تھا کہ فلسطینیوں کو غزہ پٹی سے نکالنا نسل کشی ہی کے مترادف ہوگا، فلسطینیوں کو نکالنےکی کوشش سے دوریاستی حل کا منصوبہ ناکام ہوجائےگا۔
دوسری طرف فلسطینیوں کی دیگر ممالک میں زبردستی آبادکاری کے امریکی صدر کے بیان کو فلسطینیوں نے یکسر مسترد کر دیا، ان کا کہنا تھا کہ فلسطینی عوام کو اپنی ہی سرزمین سے نکالنے سے خطے میں مزید کشیدگی پھیلےگی۔
