ویب ڈیسک: ڈیرہ اسماعیل خان میں لیویز کی گاڑی پر فائرنگ کی گئی جس کے نتیجے میں 4اہلکاروں سمیت 5 افراد جاں بحق ہوگئے۔
اسسٹنٹ کمشنر کے مطابق ڈی آئی خان کی تحصیل درابن میں خانوزئی لیویز اہلکار نجی ڈرائیور کے ہمراہ چوری کے ٹرک کی برآمدگی کیلئے جارہے تھے اس دوران نامعلوم افراد کی جانب سے حملہ کیا گیا ۔
لیویز کی گاڑی پر حملے کے نتیجے میں 4لیویز اہلکاروں سمیت 5 افراد جاں بحق ہوگئے، مرنے والے تمام افراد کا تعلق قلعہ سیف اللہ بلوچستان سے بتایا جا رہا ہے،فائرنگ کے نتیجے میں لیویز کی گاڑی میں آگ بھی لگ گئی
اسسٹنٹ کمشنر کے مطابق جاں بحق لیویز اہلکاروں کی میتیں درابند ہسپتال منتقل کر دی گئی ہیں۔
پولیس حکام کا کہنا ہے کہ واقعے کے بعد پولیس نے علاقے کو گھیرے میں لے کر سرچ آپریشن شروع کر دیا، ملزمان کیخلاف مثر کارروائی کرتے ہوئے انہیں منطقی انجام تک پہنچایا جائے گا۔
