وکلا ء مارچ کا اعلان

وکلا ء نے 26ویں ترمیم کیخلاف اسلام آباد کی طرف مارچ کا اعلان کردیا

ویب ڈیسک: وکلا برادری کی جانب سے26آئینی ترمیم کے خلاف 10فروری کو اسلام آباد کی طرف مارچ کا اعلان کردیاگیا۔
لاہور ہائی کورٹ بار کے تحت ہونے والے آل پاکستان وکلا کنونشن نے سپریم جوڈیشل کونسل کا اجلاس فوری منسوخ کرنے، 26ویں ترمیم کے خلاف درخواستوں پر فل کورٹ تشکیل دینے اور ترمیم کے خلاف درخواست پر سماعت براہِ راست نشر کرنے کا مطالبہ کیا ۔
لاہور ہائی کورٹ بار وکلا کنونشن میں حال ہی میں پاس کیے گئے پیکا ایکٹ کی بھی مذمت کی گئی،صدر اسد منظور بٹ نے کہا کہ صحافیوں کی جدوجہد کا مکمل ساتھ دیتے ہیں۔
اعلامیے میں کہا گیا ہے کہ جب تک 26 ویں ترمیم کا فیصلہ نہیں ہوتا اس وقت تک نئی تعیناتیاں نہ کی جائیں جبکہ اسلام آباد ہائی کورٹ کے سینئر جج کو ہی چیف جسٹس بنایا جائے۔
وکلا کنویشن سے خطاب میں وکیل رہنما حامد خان نے کہا کہ وکلا کی تحریک شروع ہوچکی، یہ 26 ویں ترمیم کو بہا لے جائے گی، صحافیوں کی آزادی ختم کرنے کے لیے پیکا ایکٹ میں ترمیم کی گئی ، وکلا ہر فورم پر صحافیوں کے ساتھ ہیں۔

مزید پڑھیں:  عمران خان کی ناراضگی کے بارے میں کچھ نہیں کہہ سکتا، علی امین گنڈاپور