بجلی کی قیمت

بجلی کی قیمت میں مارچ سے نمایاں کمی کا فیصلہ

ویب ڈیسک: وفاقی حکومت نے بجلی کی قیمت میں مارچ کے مہینے سے نمایاں کمی کرنے کا فیصلہ کرلیا ہے ۔
ذرائع کے مطابق حکومت کی جانب سے کئے لئے فیصلے کے تحت مالی سال 2024-25 کی دوسری سہ ماہی کے لیے 2 روپے فی یونٹ کمی متوقع ہے۔
اس سلسلے میں پاور ڈسٹری بیوشن کمپنیوں نے ایڈجسٹمنٹ کی درخواست بھی نیپرا کو جمع کروا دی ہے۔
نیپرا 12 فروری 2025 کو درخواستوں پر عوامی سماعت کرے گا کمی مارچ، اپریل اور مئی کے مہینوں میں بجلی کے نرخوں پر اثرانداز ہوگی۔
درخواست کی منظوری کی صورت میں مارچ 2025 سے بجلی کی قیمتوں میں کمی متوقع ہے جس سے عوام کو 52 ارب روپے سے زائد کا ریلیف ملے گا۔
کے الیکٹرک صارفین پر بھی سہ ماہی ایڈجسٹمنٹ لاگو ہوگی جبکہ لائف لائن صارفین کو ریلیف نہیں دیا جائے گا۔

مزید پڑھیں:  چارسدہ، نومولود اغواء کرنی والی خاتون گرفتار، بچہ برآمد