ویب ڈیسک: غزہ میں جنگ بندی معاہدے کے باوجود اسرائیل جنگی جنون کم نہ ہو سکا ، جنین میں نہتے لوگوں پر تازہ بمباری کے نتیجے میں مزید 5فلسطینی شہید ہو گئے ۔
میڈیا رپورٹس کے مطابق غزہ میں جنگ تھم گئی تو اسرائیل نے مغربی کنارے میں فلسطینیوں کا قتل عام تیز کردیا،صیہونی فورسز کی بمباری سے 5 فلسطینی شہید جبکہ درجنوں زخمی ہو گئے جنہیں ہسپتال منتقل کردیا گیا۔
دوسری جانب حماس کی جانب سے جاری بیان میں کہا گیا ہے کہ اسرائیل کا مغربی کنارے اور جنین کوضم کرنے کا خواب پورا نہیں ہوگا، اسرائیل کے قبضیاور فلسطینیوں کوان کی سرزمین سے بیدخلی کے ہتھکنڈے ناکام ہوں گے۔
ادھر عرب ممالک کے وزرائے خارجہ کا مشترکہ اجلاس ہوا، عرب ممالک نیبھی فلسطینیوں کی نقل مکانی کومسترد کر دیا۔
عرب ممالک کے وزرائے خارجہ اجلاس کے مشترکہ اعلامیہ میں کہا گیا کہ حالات کوجواز بنا کر فلسطینیوں کوان کی سرزمین سے محروم نہیں کیا جا سکتا، مصر اور اردن میں فلسطینیوں کی آبادکاری اور ٹرمپ منصوبے کیخلاف مشترکہ لائحہ عمل بنائیں گے۔
