فلسطینیوں کی منتقلی کا منصوبہ مسترد

عرب ممالک نے فلسطینیوں کی مصر اور اردن منتقلی کا منصوبہ مسترد کردیا

ویب ڈیسک: عرب ممالک کی جانب سے فلسطینیوں کی اپنی زمین سے جبری بے دخلی اور مصر اور اردن منتقل کرنے کے امریکی صدر ڈونلڈ ٹرمپ کے منصوبے کو مسترد کردیا گیا ۔
میڈیا رپورٹس کے مطابق عرب ممالک کا اجلاس گزشتہ روز مصری دارالحکومت قاہرہ میں ہوا جس میں سعودی عرب، یو اے ای، مصر ، قطر اور اردن کے وزرائے خارجہ کے علاوہ فلسطینی اتھارٹی کے حکام نے بھی شرکت کی۔
وزارائے خاجہ کے اجلاس کے بعد مشترکہ بیان میں غزہ جنگ بندی معاہدے پر مکمل عملدرآمد، دو ریاستی حل کے لئے امریکی صدر ٹرمپ کے ساتھ مل کر کام کرنے کی یقین دہانی کرائی گئی جبکہ اسرائیلی فوج سے غزہ پٹی خالی کرنے کا مطالبہ بھی کیا گیا۔
اجلاس میں عرب لیگ نے فلسطینیوں کی اپنی سرزمین سے جبری بے دخلی ناقابل قبول قرار دی اور غزہ کے لوگوں کو اردن اور مصر منتقل کرنے کے امریکی صدر ٹرمپ کے منصوبے کو مسترد کردیا۔
واضح رہے اس سے قبل اقوام متحدہ کے سیکرٹری جنرل انتونیو گوتریس نے بھی فلسطینیوں کو غزہ پٹی سے نکالنا نسل کشی کے مترادف قرار دے دیا تھا۔

مزید پڑھیں:  ٹانک میں فائرنگ سے ایک نوجوان جاں بحق، ایک زخمی