ویب ڈیسک: الیکشن کمیشن میں پی ٹی آئی انٹر پارٹی کیس سماعت کیلئے مقرر کر دیا گیا ہے، پی ٹی آئی چیئرمین بیرسٹر گوہر اور رؤف حسن کو نوٹس جاری۔
تفصیلات کے مطابق الیکشن کمیشن میں پی ٹی آئی انٹرا پارٹی کیس کی سماعت 11 فروری کو مقرر کر دی گئی ہے، اس ضمن میں پی ٹی آئی کے چیئرمین بیرسٹر گوہر اور رؤف حسن کو نوٹس جاری کر دیے گئے، جبکہ اس کیس کے حوالے سے اکبر ایس بابر اور دیگر درخواست گزاروں کو بھی نوٹس جاری کئے گئے ہیں۔
پی ٹی آئی نے گزشتہ سماعت کے دوران جواب جمع کروانے کے لیے مزید مہلت کی درخواست کی تھی، جس پر الیکشن کمیشن نے فیصلہ سنایا کہ سماعت 11 فروری کو کی جائے گی۔
